Карлос Тевез, нов кандидат за нов напаѓач на Милан

Лондонскиот весник "Daily Star" објави дека Милан е заинтересиран во јануарскиот преоден рок да се засили со проблематичниот напаѓач на Манчестер Сити, Карлос Тевез.

Управата на Милан бара замена за Антонио Касано на кого денеска му беше извршена рутинска операција на срцето, и кој се очекува на фудбалските терени да се врати за пет месеци.

Тренерот на Милан, Масимилиано Алегри е во потрага по напаѓач, бидејќи покрај Касано поради повреда надвор од тимот е и Александре Пато. Од друга страна Тевез е во немилост кај менаџерот на Сити, Роберто Манчини. Поради одбивањето да влезе во игра против Баерн Минхен, Тевез заработи суспензија и парична казна од 400.000 фунти.

Тевез има договор со Сити до 2014 година, но доколку јавно не се извини клубот ќе се откаже од неговите услуги. Трансфермаркет овој играч го проценува на 40 милиони евра, што е голема сума за секој европски клуб, вклучувајќи го и Милан.

Дополнителен проблем за евентуален трансфер претставува и платата на Тевез која изнесува 198.000 фунти неделно.